Diip nan jơh đwa karun
đwa karun di grơp gilaung
dauk lingiw wang canar canu cagam hu/ lihik
đwa karun ngap ka drei canưk praung.

Khwai ta-uk anak bingu coh pađiak bbon
đwa karun sa palak tangin yer tabiak
đwa karun kanain ariya wak mưng di usuman klak
atah xơp dauh, jaik kapu cum.

Khwai ta-uk anak ia harei mưdơh yap war
đwa karun pangin lithei tian lipa, lik pakau nhjuk mưtưh
đwa karun khwơl ribaung rawam đwơc tappa thun rinaih
angan kraung glai danưy xơp dalam panik lipei
đwa karun chuk chak hatai bauh, calah blah yam takai

Kaywa khing diip blauh oh mưda đwa karun
đwa karun blah bi-ar kauk
đwa karun talei ariya puc kadha ka o wak
Glơng Anak sa rituh kanain pacauh dwa rituh thun ka o abih
Bhian dauk anưk Cam mung iơk tapuk akhar Cam

Hala kanhik thuw jruh nau ka phun rak jamaung laham
đwa karun xơp rinaih hia mưlơm, palei pala giđơng ribuk

Dahlak yơ
yaum sa asar dhul di palak takai mưnoxak
dahlak jang jan hu bbauk
piơh đom xơp đwa karun.